San Isidro Matzahtlah

Īhuīcpa Huiquipedia, in yōllōxoxouhqui cēntlamatilizāmoxtli
(Omocuep ihuicpa San Isidro Matsojtla)
Ir a la navegación Ir a la búsqueda
San Isidro Matzahtlah
San Isidro
Altepetl ipan Mexihco
Tlacatiyan Flag of Mexico.svg Mexihco
Tlahtohcayotl Flag of Hidalgo.svg Hidalgo
Onohuayan Huexotlah
Altepecalpolli Atlapechco
Tequihuah
Ixtentli 6.2 km2
Tlalticpac tliltetl 99° 40′ 58″ M, 120° 21′ 22″ I
Chanehqueh 19 772 (2005)
Tlacatocaitl Matzahtecatl
UTC UTC-6
Huehcapancayotl 2,440 m
CP 55650
CT 591
Matlatzalantli www.atlapexco.mx

San Isidro Matzahtlah, ce altepetl ipan Hidalgo, Mexico ca, quipia 772 tlacameh.

Nepantliliztli[Ticpatlaz | Ticpatlaz itzintiliz]

Ni chinanco mocahua ica ompolihui tonatih, ihuecacah quipiah cempohualli huan ome kilómetros tlen quiiztoc chinanco tlatilanquetl Atlapechco, tlahtohcayotl Hidalgo, ompa Mexihco.

Monepatiah ica acohpac: Cochotlah, ica campa quiza tonatih: altepecalpolli Atlapechco, huan ica campa ompolihui tonatih: Copaltitla huan Otecoch.

Tlalinepantiliztli[Ticpatlaz | Ticpatlaz itzintiliz]

Moixpantiah ihuaya tohueyi chinanco tlalilanquetl Estado de Hidalgo, ipan Distrito Huexotlah huan chinanco tlatilanquetl Atlapechco, ce achi quipiah ohtlitetitlah huan ceyoc achi quipiah tlen cualli ohtli tlen quipiah chipopopohtli, ni chinanco moixpantiah ica ce hueyi tepetl tlen titocahmatih tlen cochotlaptepetl huan axmalhuilih tinehnemiz.

Tequitiliztli[Ticpatlaz | Ticpatlaz itzintiliz]

Tiyankistli.

Tomasehual poyohuah nochi tequiti ipan milli, sequih quipiah ce o nahui cuartiyo emillih, chilmillih, ajolmillih, ohuamillah, tlen quipixca quitequihuiya para mopanolticeh, zan icahtlacuatoceh, huan ce achi monemahquiya quihuica ipan tianquiz Huexotlah, Atlapechco, huan iquino motlacohuitehuah tlen quintequihuiceh ipan semanah.

Sekij maseualmej kisenkauajchachapali uan komali nochi ni tlamantli kisenkaua ika sokitl, nojkia istok se tlakajtsi tlen no kimati kuajchijchiuas kisenkauaj, kuasiya, mesa, uan puertas.

No nejki nikijtos toauiuaj nochi kiseliaj tlapeleuilistli, tlen tikiluiya oportunidades uan ijkino kintlakouiya ininkojkoneuaj tlen kitekiuisej ipan kaltlamachtiloyan. Nokia tlakamej kiseliaj prokampo ni inijuanti kitekiuiya ni tlaxtlauili para tlen motekiuiya ipan milaj uan ijkinoj kuali tlaejeli o tlaojonkaj.

Sekajnotlatekipanoli[Ticpatlaz | Ticpatlaz itzintiliz]

Ni se kuesolij pampa kemamaj se tetatl kisteua kinuika nochi konemej uan kikalteuaj kaltlamachtilistli uan konemej tlasintlaj mokaua, pampa konemej no kichiua kanpeka para ika mopanoltisej, yaui ontomatekij sekanoj ipan uuejueyi chinankotinij, sekij onuejkauaj ualaui setsi o omej uelta tetajmej ualpaxalouan setsi uan ome semana uan sempa yaui ijkino axueli kinpaleuiya ininkoneua tlamachtiani mokuesouaj pampa axmopaleuiya.

Ohtiliztli[Ticpatlaz | Ticpatlaz itzintiliz]

Ni chinanco mocahuah ica 13 kilómetros itech Atlapechco, ce achi quipiah ohtlihtetlahnemiliztli, quiihtohuah quicualchichihuaceyah quitlaliceh chapohpotlih ihquino cualli mocahuaz ayohcana timacehuaceh.

Tomemilis[Ticpatlaz | Ticpatlaz itzintiliz]

Kiijtouaj tokoliuaj uejkakiaj tlen axtoui asitoj ipan ni chinanko intokaj nauas uan eliyaya san se innemilis, san se inintlajtol, nochi sanse tlamanti moixpantiyayaj uan ipan namaj nojja titekuiya totlanamikilis.

Tlahtolli[Ticpatlaz | Ticpatlaz itzintiliz]

Altepetlakaj tlajtoaj nauatl.

Kemaj tokoneuaj peuaj kamati se tlajtolij, kiajnopa moyoliluiya uan moyolnojntsaj ipan itlalajmikilis ipan ni tlaltipajtli, nochi tlen tlalajmikilistli axtoui kiseliaj ininchaj uan kemaj se tlamamtli kineki kiixmatise no peuaj motlajtlaniaj. Nochi tomaseualpoyouaj kamati nauatl ijkino mokamauiyaj.

Ipan chinanko meseualmej no kiixmatij tlatempoualistli, uikalistli, ijtolistli, mauiltilistlij uan konemej peuaj kiijkuiloua ika nauatl uan ijkinoj mokamanaluiyaj.

Tlamachtiliztli[Ticpatlaz | Ticpatlaz itzintiliz]

San isidro quipia caltlamachtiloyan tlen itocah Priamria “ignacio Allende” C.C.T. 13DPB0407P quipixtoc 131 conemeh, 63 okichpilmeh huan 68 sihuapilmeh, huan cicuacemeh tlamachtiyanih huan ce tlamachtiltlayacanquetl, huan ni caltlamactiloyan quipiah “programa Escuela de Calidad” ica yani molehuiya huan ihquinoh quicencahua cualli tlamachtiltequitl.

Nohquiah quipia calnechicoltlamachtiltequitl, campa quinceliah tlen cehcanoc coneh ehuanih noponah quintlamacah huan cochih iztoqueh 68 conemeh huan ponah inmaco iztoqueh ome tlamachtianih tlen quintlaliah ni conemeh. No quiya iztoque ome tlamachtianih tlen CONAFE. Noquia tlapalehuia ipan caltlamachtilnechicoltequitl.

Chicahualiztli[Ticpatlaz | Ticpatlaz itzintiliz]

Chinaco quipixtoc se caltlapahtiquetl ica ceh macehualtepahtiquetl, huan zan quemanticah yahui tlen tepahtiquet ihquino iztoqueh tomacehualpoyohuah axcanah cualli mopahtiah.

Ilhuiliztli[Ticpatlaz | Ticpatlaz itzintiliz]

San Isidro imitojtilis.
Kuaujxayakatl.
Kuaujxayakatl.

Chinankomej kisekauaj ueyi iluitl tlen tikilkuiyan carnaval, kiijtouaj nika peuaj kikualchichiuaj se kuanextli tlen kitekiuiya kemaj tlajtlakolpaj, ipan ni iluitl kisenkaua se ueyi sakauili uan ueyitsopeltlamali, uan no mixpatiaj mekomej tlen mijtotiaj tlakamej uan telpokamej.

Nokia ki elajmiki Xantolo o mijkailuitl ipan se uan eyi iteki mestli tlen noviembre, kisenkaua arco, kiixpantiaj uan kipopoxuiyaj kuaxilotl, nelax, tsopelatl, chokolatl, tamali, uinoj, tlatlatiaj, uan nokiaj mopaxaloua mouikiliaj tamalij uan kiyoyokouiyaj intiokoneuaj. Ijkino konemej kitlachilia kenikatsaj tlamamajnaj intatauaj uan ijkino iniuantij kitokilisej ni nemilistli.

Nokiaj konemej mochiuaj kolimej uaj kiixnextiaj ipan kaltlamachtiloyan. Ijkinoj touantij tlamachtianij tikiluiyaj konemej ma amo kielkauajka tonemilis pampa miyak ipatij.

tlalnamikiltlaykuiloli[Ticpatlaz | Ticpatlaz itzintiliz]

Ipan ni chinanko onka maseualmajme tlen kielisuiyaj novelas kisenkauaj ika nauatl se itokaj “invierno en el paraíso” tlixpouali tlen kiijtouaj kenijkatsa intonal maseualtinij o maseualtsitsij tlen sekajnok ontekitij ni kisenkakij Crispín Amador Ramírez.

Tequichihualiztli[Ticpatlaz | Ticpatlaz itzintiliz]

Tojuantij titlamactianij tikiniluiya konemej ma kiimatikay uan makisenkauakaj tlen kisenkuaj inintatauaj mano kiejelisuikaj manomomaxtikaj kisenkauasej chachapali tlen motekiuiya ipan kisenkauaj tlakuali. Nokia kisenkauaj komali kampa kiisiltiaj tlaxkali, nakatl, kakatsouaj kafenyoli uan sekinoj tlamantli, yeka konej monenikij mano momachtikaj ijkino axpoliuis. Komali kisenkaua ika sokitl uan xali uan ijkinoj kimanelouaj uan ika ichikueyitiaj kikakatsouaj ipan tlitl uan peuaj kinemakaj.

Neltolkilistli[Ticpatlaz | Ticpatlaz itzintiliz]

Sekij maseualmej tlamantli kineltokaj, kemaj kuali mestloi uan siuatl tlanemiltiaj monejki motlalilis se uitsmalotl ikijnokonetsi axteno ipantis, amoxi techachaj papmpa tixiyotis .

Tonamiltlajtoltlamachiualistli[Ticpatlaz | Ticpatlaz itzintiliz]

Tokoliuaj nelia tlamajmati pampa uejkakiaj tlatlamachiuayayaj ika majpili, ika tlamajkauakistli, se mapeli ijkino kitlamachiuayaya ininchajchaj. Uan kema kinekiyaya kitlachiuasej eyolij, ajoli, sintli, kafenyolij kitekiuiyaya litro uan kuartiyo. Nokiaj kitekiuiyaya, balanza o libra, la onza ika ni kitlamachiuayaya iyatl uan nakatl.

Uan kemaj kitlamachiuayaya chankaka, kitekuiyaj se mano ome mano. Nokia kitekiuiyaya se arroba, se quital ikani kitlamachiuayaya kefenyolij uan sintli kitekiuiyaya se fanega.

Tonemilchinancotlalajmilis[Ticpatlaz | Ticpatlaz itzintiliz]

Ipan ni tochinanko onkaj miyaj tlalnamikilistli tle monekij konemej kiixmatisej uan ijkinoj sanse tonemilis ixnesis

Tlacualiztli[Ticpatlaz | Ticpatlaz itzintiliz]

Tsompanxochitl.

Tochinanko maseualmej nokisenkauaj tlakualistli: ayouatl kisenkauaj ika apsotl, ayojtli, ikane nejpali, chayotli, pejmoch, uan ika etl no mosenkauaj etixnepaj, tekoko, uan kokochij.

Nokia kisenkauaj se talkualistli tlen ixochiyoj se kuauitl itokaj ojpajtli, kisenkauaj ika tejkistli, tlatsoyontlij. Nojkia kisenkauaj tlapanili ika nejpali nelia ajuiyak tlakualistli.

Nokia kisenkaua xochi isotl se tlakualistli tlen nelia misyoltilanas kimoloniaj uan teipaj kiitseluiliya istatl tlen moyolo kisas uan tijkuas ika chiltlaxkali.

Tlapatskilistli uan ouatekitl[Ticpatlaz | Ticpatlaz itzintiliz]

Tlapatskilistli uan ouatekitl.

Nochinanco, San Isidro, Atlapechco chinanco tlatilanquetl, tlen Hidalgo tlahtohcayotl. Nimizcalti paquilizpa pampa pehuayaya tlapatskistlii ipan febrero uan tlamiyaya mayo meetstli. mojmostla tikiyaya ouaatl, kemaj moloniyaya tikiyaya iposokyo uan kema peuayaya nekti ipan pilxalotsitsij timokauiyaya makpilnektli, kema nopa nektli tetsauak eliyaya tijkixtiyaya ipan se ouatl uan tijuikayaya tokalijtik uan ijkinoj toteixmatkaua no kikuayaya, tonana kichiuayaya tsopelatl, atoli, kamojtlanekuili, limonatl ika pilchankaka, miyak xiuitl tipanokej pakilispa. kualtsi uechoniyaya kuatrapich uan espeka tlen kitilanayaj kauyojmej tlen okichpilmej kinkuapeuayayaj ipan kauaojtli kema kipatskayayj ouatl.

Nopa tonali panojka pampa nama nitonali amo tikita tlajnekchiuaj,tlachankakachiuaj, itstokej se omej nochanpoyouaj tle kena tekitij ika ouatekitl, tlapatskaj, ouachiuaj uan kinemakaj ouaatl, tekitij ika pisiltsitsij kuatrapich, se tentsotsoko kimalakachojtinemi nopa espeka, ni maseualmej nochipa ouaachiua ipan domingo tonali, yeka tikijtouaj amo nelii eli tlapatskistli, yojuantij kichiuaj ouatekitl. ika ni ouatekitl amokemaj tijnekuisej ayojtli, pipili, ochonijtli, kuaueyojtli, uan sekinok tlamantli tlen tijtsopeliltiyaya. namaj san tikimpouiliyaj tokoneuaj kenijki eliyaya tlapatskistli pampa amo kiitaj.

Tlajtolkakilistiloni[Ticpatlaz | Ticpatlaz itzintiliz]


Amoxtiliztli[Ticpatlaz | Ticpatlaz itzintiliz]

  • (2009). Texto elaborado por un profesor de la comunidad profr. Victor Amador Ramírez.
  • (2009). «Información Histórica y cultural recopilada de la tradición oral de la comunidad.».

No xiquitta[Ticpatlaz | Ticpatlaz itzintiliz]