Ahuitzotl (tlahtoani)
| Ahuitzotl | |
|---|---|
 Ahuitzotzin ipan amox tlahcuilolli | |
| Mexihco Tenochtitlan Tlahtoani | |
| Tepacholiztli ipan | 1486-1502 |
| Altepetl | Mexihco Tenochtitlan |
| Achtopa | Tizoc |
| Niman | Moteuczoma Xocoyotzin |
| Miquiztli | 1502 |
| Miquiztli iyeyan | Mexihco Tenochtitlan |
| Itahtzin | Tezozomoc |
| Inantzin | Atotoztli |
| Ipilhuan | Cuauhtemoc Chimalpilli II |
| Tlahtohcatlacamecayotl | Tenochtitlan tlacamecayotl |
Ahuitzotl oquitepacholih itechpa 1486(7 tochtli) ixquichca 1502(10 tochtli) xihuitl. Yehhuatzin ocatca in huey tlatoani tlen oquinyacan in mexihcah ipan tzatzaquiltzin cahuitl inic quipolozque achi mochi inyeyan tlahco ihuan huiztlampa Mexihco (noihuan Cuauhtemallan, itechpa in Hueyatl Mexihco canahpa in Ilhuicaatl Pacifico). In mexihcah yaoquizqueh oquinyolotlalah in itlatoani, ce yaotlatoani tlen ahmo oquimahuiliaya ixtlahuacan yahuiz.
Ihuan inic quixexelo itlahtohcayouh ica chicahualiztli, oquimat inic quinyolotlaz ihuan tlanamacaz ica in altepemeh tlen oquimpopoloh, ihuan oquintentlapohuitaya in tlahtohcayotl canahpa in altepemeh tlen huehca oncatcah.
Ipan 1487(8 calli) xihuitl, in tlatoani oquiyancuilih in Hueyi teocalli.
Miquiztli
[xikpatla | xikpatla itsintlan]Oquitemanauhtih inic tlachihualoz ce amanalco tlen quihuicaz atl itechpa Coyohuahcan canahpa Tenochtitlan ipan 1499(7 acatl) xihuitl, in tlen opoztec ihuan oquichiuh ce tlaatlaniliztli tlen oquimmictih miyec tlacameh. Mihtoa yehhuatl ipan inin tlamahuizolli Ahuitzotl oquimotlahuili in itzontecon ic oquixoc ce tlatzacuilli tlacxitlan, in tlen oquihualhuicah cocotiliztli ihuan oquihuicac canahpa imiquiz, eyi xihuitl zatepan ipan 1502 xihuitl.