Watson

Īhuīcpa Huiquipedia, in yōllōxoxouhqui cēntlamatilizāmoxtli
Īhuīcpa ticholōz: nènemòwalistli, tlatēmoliztli

In takat kuali mo uikaya iuan Sherlock Holmes itech in amatajkuilol tein ki chuijchui in Sir Arthur Conan Doyle, tein i ki nika ixtesik itech in amatjkuilol mo notsaya Estudio Escarlata, ki teixmatiltij itech in xiuit 1887.

NI NEMILIS

I tech ni amatajkuilol tein Doyle, amo semi tajtouaya tein Dr. Watson, sayo mo matik keman yolik itech 7 tein mesti Agosto tein xiuit 1852. Ni tatuan katka Henry Watson tein yolik itech in altepet Hampshire uan y nan mo notsaya Ella Mackenzie, ni ikniuj katka Henry Jr. tein kijtoua mikik keman mo iuintik itech in xiuit 1888. Ni tatuan tein Watson, ki piayaj tomin, uan nochimej kin ixmatiaj uan kin takachiuayan. I nan tein Watson mikik keman katka pilkonet uan i tat mo chanpatak kampa in ueyialtepet Australia iuan ni ome pipilmej. Panokej miak xiujmej ua mo kepak kampa Inglaterra. I tech 1872 ki peualtij ni nemachtilis ua mo chiuaskia tapajtijke itech kalnemachtiloyan tein kiliaj Univesidad tein Londres, uan matamik ni nemachtilis in xiuit 1878. Ki sentokak ni nemachtilis itech Netley, mo nekia maj mo maxtis ompa takan ki nekia kalakis kemej tapajtijke itech tein koyotajtol kilia Ejército.

Mo sentali kemej tapajtijke itech Ejército iuan 5o regimiento de fusileros de Northumberland. In yetoya itech India, uan keman Watson ejkok in nika, mo peualtij in tateuilis tein nan kismatij kemej Segunda Guerra Anglo-afgana, ompa yajki iuan ni min tekitikniuan. Itech tateuilis tein mmo notsa Maiwand yetoya iuan tateuinij Berkshire, uan ki kokojke itech ni opochmai, yejika uan sepa mo kepak itech Inglaterra, keman no ki kiuik in kokolis tein mo notsa Tifus. Nmeik tech Inglaterra miak xiujmej uan keman amo ki piayaok tomin sepa mo kalpatak itech 1881, yeijka ki ixmatk in Sherlock Holmes, in takat kitato seki kalmej tein amo ki patiyojkisaskia, katka ni achka in nano Hudson uan yetoya itech 221 B tein Baker Street. Uan kin ixmatiltij in takat tein mo notsaya Stamford, tein n Watson ki ixmatij keman panok kampa kaltapajtoloyan St. Bartholomew's keman mo maxtiaya. Satepan yajki kampa Estados Unidos itech 1884 uan ompa ki ixmatik ni siuauj Constance Adams, te in uan mo namijtik uan satepan mo kepak kampa Inglaterra itech in xiuit 1886 uan ni siuat mikik itech 1887. Sepa mo namiktik iuan Mary Morstan uan in ni siauuj miik itech 1892 uan sepa mo namijtik itech 1902.


TONI KI CHIUJ ITECH AMATAJKUILOL TEIN KILIA NOVELA In takat Watson, amo saya mo uikaya iuan Holmes, no tajtouaya, uan ki piaya tekit tein koyotajtoll kilia narrador.