Yacateuctli (teotl)
Yacateuctli nozo Yacatecuhtli nozo Yiacateuctli pochtecah inteouh catca: cencah quimahuiztiliayah, quitlaquentiayah amatica; in intopil, imotlatopil, inic nehnemiyah, inic motlatocaya, incapa cochizqueh, oncan quitilquetza, ixpan tlamahcehua, mizzo, quicopaltemiliah, inic quitlauhtiah in inteouh Yiacateuctli, inic quihtlaniliah. Inic quimatataquiliah, iteicneliliz nohhuiyan ahcitinemih, calactinemih. Auh ic motenehua, pochtecah yiaqueh; itech canqueh, in itoca inteouh, Yiacatecutli.
Oztomecah, anahuac calaquinih, huel quitemotinemih in tlein quimonanauhtizqueh, anahuatl quilacatzohtinemih, tonalciyauhtinemih, ehecaciuhtinemih, mociyauhpouhtinemih, elciciuhtihuih, imellelahcitiuh, imixcuatlatlatiuh, intonal quimacuitihuih, intonal omiuh yetiuh.
In inechihchihual motlahtlatlali, mixapetzhui, itemillo, ixcuatzo, ixcuatzoneh, quetzallalpileh, teocuitlanacocheh, xiuhtlalpilli, in itilmah, tlahsomaxtleh, tzitzileh, oyohualeh, teccaqueh, quetzalxicalcoliuhqui in ichimal, itlaczaya imac onoc otlatopileh.
Amoxtin
- Sahagún, Fray Bernardino de. (2006). Historia General de las cosas de la Nueva España. "Colección sepan cuantos...". Editorial Porrúa. México, D.F., México 1985. ISBN 970-07-6492-3