Tepozteco

Īhuīcpa Huiquipedia, in yōllōxoxouhqui cēntlamatilizāmoxtli
Ir a la navegación Ir a la búsqueda
Tepozteco
Tepoxteco
Zantoh Teposteco, Chicontepec, Veracruz.jpg
Altepetl ipan Mexihco
Tlacatiyan Flag of Mexico.svg Mexihco
Tlahtohcayotl Mexico stateflags Veracruz.png Veracruz
Onohuayan Tlani Huaxtlan
Altepecalpolli Chicontepec
Ixtentli 6.2 km2
Tlalticpac tliltetl 99° 40′ 58″ M, 120° 21′ 22″ I
Chanehqueh 462 (2010[1])
Tlacatocaitl Tepoztecatl
UTC UTC-6
Huehcapancayotl 274 m
CP 92728
CT 746

Tepozteco (caxtillantlahtolli: Tepoxteco), inin altepetl tlatilantoc ompa altepecalpolli Chicontepec, Veracruz. Cequinoc altepemeh itech inintocah, Chapictlan, El Sitio, Las Silletas, Xoquichual, Ichcacuatitlan. Quipiya 462 chanehqueh.[2] Nochi macehualmeh nahuatlahtoanih.

Tlaltocaitl[Ticpatlaz | Ticpatlaz itzintiliz]

Tetl: piedra
Poztequi: labrar, quebrar
-co: en, lugar de
"Lugar de la piedra quebrada o labrada"

Tlalcemanahuayotl[Ticpatlaz | Ticpatlaz itzintiliz]

Ipan ni altepetl, tlatilantoc Chicontepec, Veracruz. Tlahuel tlatotonia huan amo tlahuel tlaceceya. Cequin xihuimeh huan tecuanimeh. Itztoqueh miyac macehualmeh ipan inin altepetl. Miyac tlacameh zan miltequitih ihuan cequinoc tlacameh no quitocah chilli, tomatl, etl, colantoh, xonacatl, ihuan cequinoc cuatlaccquetl.


Huehcapatlahtolyotl[Ticpatlaz | Ticpatlaz itzintiliz]

Amo momati quemman peuhqui inin altepetl Ipan inin altepetl oncah ome tlaneltoquiliztli. Miac macehualmeh tlahuel quittepanitan Chicomexochitl. Inin hueyi ilhuitl quemantzin quichihuah ome hueltah ipan xihuitl, ipehuaya huan itlahtotiyan xihuitl. Huan nouhquiya cequin macehualmeh quineltocan tlen totiotzin Jesus.

No iuhqui quipiyah ce canahaya campa monechicoah tlalpiyanih "ejidatarios" ompa Tepoxteco

Tlalcalli Casa Ejidal "Emiliano Zapata" ompa Tepoxteco, Chicontepec, Ver.

. Huahcauhquiya miyac macehualmeh motlaquentiyayah ica caltzon naman ayohcanah, achi mopatlatoc quentzin.

Ome macehualmeh "Tlayi Lino ihuan Tlayi Osorio"

Tepacholiztli[Ticpatlaz | Ticpatlaz itzintiliz]

Nican ipan inin altepetl tequitih quen huahcapayotl. Nican monechicoah miyac macehuameh ihuan momatlalanah ihuan quiihtoah acquiya nequi ma quinyecana ica ce xihuitl zo ome xihuitl. Tlanahuatianih tequitinih melahuac cualli tequitih, ihuan nican ipan inin altepetl. Itztoqueh miyac tequihuahmeh. Inih tequihuahmeh quipiyah cequin inintequitzin. Cequin itztoqueh quen "agente municipal" ihuan cequin tlalmocuitlahuianih" "comisariado ejidal" ihuan nouhqui tlen Caltlamachtilizmocuitlahuianih "comite escolar".

No quipiyah cequin tequihuahmeh tlen Xochicalli "La Casa de la Flor". Inin tequihuah quiyecanah tlen hueyi ilhuitl tlen Chicomexochitl.

Chanehmatiliztli[Ticpatlaz | Ticpatlaz itzintiliz]

Altepetl Tepozteco quipiya 462 chanehqueh.

Chicahualiztli[Ticpatlaz | Ticpatlaz itzintiliz]

Ipan inin altepetl oncah ce Tepahtiloyan "Clínica" ihuan quinpahtiah 15 macehualaltepetl. Miyac yohuih nican ipan Altepetl Tepoxteco. Nouhqui itztoqueh cequinoc tepahtianih ipan inin altepetl. Tetlalanquetl "partera". Ihuan no quichihua itequitzin quemman conetlacati ce cihuatl.

Tlamachtiliztli[Ticpatlaz | Ticpatlaz itzintiliz]

Ipan inin altepetl, oncah Caltlamachtiloyan tlen Preescolar Josefa Ortíz de Dominguez, Escuela Primaria Miguel Hidalgo, Telesecundaria Justo Sierra huan Telebachillerato Tepoxteco. No monechicoah ipan Telesecundaria ihuan Telebachillerato tlen cequinoc altepetl quen: Chapictla, Lindero, Xoquixhual, Apachtitlan.


Tequichihualiztli[Ticpatlaz | Ticpatlaz itzintiliz]

Ipan altepetl Tepoxteco, miyac cihuameh quichihuah cequin tlamantli tlen tlaxcalyoyomitl, quitzahuah nopa mantahyoyomitl. Quichihuah miyact tlamantli xochitl, tecuanimeh ihuan cequinoc. No cequin cihuameh quichihuah comalli, caxitl, canteleroh, ihuan cequinoc tlamantli. No cequin quichihuah chicapalli cequin cocuetzitzin ihuan cequin huehhueyi.

Cuicatlamatiliztli[Ticpatlaz | Ticpatlaz itzintiliz]

Oncah tlatzotzontli ipan altepetl Tepoxteco, oncah cequin tlatzotzonanih tlen itocah Trio Tepoxteco ihuan quiyecana Rubén Magdalena (Tzapotl) No iuhqui ceyoc tlacatl tlen tlatzotzona tlen itocah Sergio Osorio

Tepoxteco itlatzotzonani, Chicontepec, ompa Veracruz.

Noiuhqui huahcaquiya 1990-2000) oncayaya cequin tlatzotzonanih tlen quiyecanayaya Alejandrino Díaz (micqui) "Los mensajeros del Amor"

Calmanaliztli[Ticpatlaz | Ticpatlaz itzintiliz]

Momotlaliztli[Ticpatlaz | Ticpatlaz itzintiliz]

Ipan altepetl Tepoxteco, mahuiltiah ica Olli (futbol) ihuan no iuhqui Olli (Basquetbol). Nican tlen tlahuel mahuiltiah telpocameh Futbol ihuan ahacahica quichihuah nechicoliztli ihuan mahuiltiah huanya cequinoc telpocameh tlen Chapixtla, Lindero, Ixcacuatitlan, Tecomate ihuan cequinoc altepetl. Cequin conemeh mahuiltiah ica cayuco (canica). Cequin ichpocameh mahuiltiah ica Basquetbol.

Tlahtolcaquiliztiloni[Ticpatlaz | Ticpatlaz itzintiliz]

  1. Tepoxteco, Pueblos de México.
  2. Municipio de Chicontepec

No xiquitta[Ticpatlaz | Ticpatlaz itzintiliz]

Cequin tlatilantli[Ticpatlaz | Ticpatlaz itzintiliz]

  • [1] Elotlamanaliztli ipan Tepozteco, ompa Veracruz.