Pachyohcan

NHE

NCH

NHN

NCI

Pachyohcan Pachuca de Soto Nju̱nthe
Altepetl
Tlacatiyan -Tlahtohcayotl -Onohuayan -Altepetlahtohcan	Mexihco  Hidalgo Pachyohcan tepehuahcan Pachyohcan
Tlaixpayotl - Campa	60.06 km2 km2
Ancayotl	20° 07′ 21″ N 98° 44′ 10″ O
Huehcapancayotl	(2,800 msnm)
Chanehqueh - Campa - Pozahuacayotl - Campa	297 848 chan. chan/km²
Tlahtolli	Caxtilahtlahtolli, nahuatlahtolli huan otontlahtolli
IDN - Campa
PIB - PIB Per Capita	$ MDD $ USD
Altepetzintiliztli
Altepetequihuah	Sergio Baños Rubio
UTC	UTC-6
Tlacatocayotl	Pachyohcatl
CP
Nenecuilhuaztli  - USPS  - ISO 3166-2
Nenecuilhuaztli
Matlatzalantli	[http:// ]

Pachyohcan (caxtilahtlahtolcopa Pachuca de Soto huan otontlahtolcopa Nju̱nthe), ce altepetl itechpahuic Pachyohcan altepetlahtohcan, in ompa tlahtohcayotl Hidalgo ipan Mexihco tlalli. Itecuacan Hidalgo tlahtohcayotl huan in altepenanyotl ocachi hueyic ipan tlahtohcayotl; in altepetl quipia 297 848 chanehqueh huan Altepenanyotl Pachyohcan quipia 768,642 chanehqueh xiuhpan 2020, inic yei hueyaltepenanyotl itechcopa Mexihco tlalli; hueyic altepenanyotl Pachyohcan quipia 6 altepetlahtohcan, Cempohuallan, Tzapotlan, Tlachiyac, Mineral de la Reforma huan Mineral del Monte.

Tlaltocayotl

Zan niman ipampa inon altepetl ompa Pachyohcan Tepehuahcan, motoca «Pachyohcan» ompa inauatlahtol Tepehuahcan tlatilantli, ihtoca caxtillantlahtolcopa Pachuca de Soto. Huehuecauhtica ipan nahuatlahtolli Pachyohcan quiza ipan: nahuatlahtocopa pachtli, ce cuahuitl ahcopa ayotatlan, nican inelhuayo pehua ica pach- huan in tlahtolli -yohcan tlen ipehualiz -yohcan huala tlalli tlen quipiya huel miac.

Occe tlahtolli

• Caxtilahtlahtolli: Pachuca de Soto
• Otontlahtolli: Nju̱nthe

Tlalticpacmatiliztli

Pachyocan ce altepetl ipan tlahcopampa in ompa Hidalgo tlahtohcayotl, ce onohuayan xoxohuic huan atlic. Inin altepetl cah ancayotl cuaxochtia in altepetl mictlampa ica Camelia, in huitztlampa ica Santa Matilde, in tonalquizayampa ica Pachuquilla, ihuan in tonalcalaquiyampa ica Santiago Tlapacoyan.

Yoliztli

Nican inin altepetl oncateh occequin cuauhtontli, mazqui quipia cuahuitl in capalcuahuitl, mizquitl, huixachin nozo nohpalli, tlacametl huan occe.

Nican chantih yolcameh in tepeticpac huan in ixtlahuac, totomeh noiuhqui cuixin, tecolotl, tzopilotl, centzontlahtoleh nozo yolcameh cincoatl, tlahcomiztli, xincoyotl, epatl, tlacuachin, tochtli huan occequintin.

Tequitiliztli

Pachyohcan altepetomincalco.

Pachyohcan ce altepetl ipan Hidalgo tlahtohcayotl ica itequiyo itech cuautontli. Pachyohcan altepetl tequitiliz ca ipan tiyanquiztiloyan huan tiyanquiztli campa chaneh tequipanoa itlalpixcayo, tlanamaca xochimeh, cuahuitl, tlacualiztli, xochicualli, cuauhtontli, tequichihualiztli, tlamantli, yolcameh nozo tepoztlamantli.

Nican ce hueyi altepetl, quipia miac tlanamacatiliztli, xoalapan chaneh tlanamaca ipan cuauhmalacatl, tzopelli, tlacualiztli huan ahahuilli, ipan ohcalli quipia nacanamacoyan, pahcalli, tlacualchihualoyan, amanamacoyan, cacnamacoyan, ocnamacoyan, tlaxcalnamacoyan, xochinamacoyan, tlapalnamacoyan, noyuhqui nohuan nican hueyi tlanamacoyan man noyuhqui Elektra, Coppel, Soriana, Chedraui, Oxxo, Liverpool, Sears, Cinépolis, Pemex, occequin.

Chanehmatiliztli

Pachyohcan quipia 297 848 chanehqueh (Censo INEGI xihuitl 2020).

Xihuitl	Chanehqueh
2000	245 208
2010	267 862
2020	297 848

Temachtiliztli

Universidad Autónoma de Hidalgo.

Pachyohcan altepetl quipia ipan ahcopa tlamachtiloyan, canahpa hueyi tepochcalli tlen itocah Universidad Autónoma de Hidalgo, Universidad Politénica de Pachuca. Universidad la Salle Pachuca, Instituto Tecnológico de Pachuca, Universidad Tecnológica de Pachuca, Centro Hidalguense de Estudios Superiores huan Instituto Tecnológico de Estudios Superiores de Monterrey Campus Hidalgo, ce pani tlamachtiloyan itech Pachyohcan altepeticpac.

In altepetl nican quipiya ipan temachtiliztli coconeh xochitlah, inic ce tlamachtiliyan, inic ome tlamachtiloyan, bachillerato, tepochcaltlamachtiloyan huan Hueyi tepochcalli, noihqui in Escuela Secundaria, noyuhqui quipia in conemeh; pipilton huan cihuapiltin temachtiah ica 92,44 % chanehqueh.

Tequinemiliztli

Tecalli Pachyohcan.

Altepetl Pachyohcan ce altepetl ica mochi calmanaliztli ipan Hidalgo tlahtocayotl ompa Pachyohcan Tepehuahcan; ixquich tlamatocac tequichihualiztli, yoliztli ipan ahmo tlamatocac tequitl iyuhqui tlacualiztli, macehualmihtotiztli.

Calmanaliztli

Hueyiteocalli Huexotlah

Ce tequiyotl itech calmanaliztli ipan Atocpan cah teocalli San Nicolás Tolentino ipan xolalpancopa. In teocalli ca ipan altepetlalli ipampa temamatlatl ahcopa, ipan ocachi cuauhtic in teoyotica itepacholiz teocalco; itepanhuan tetelli itech mictlampa canahpa huitztlampa ompa ohcalli ipan hueyic aitualli. Nican quipiya ohtli ahcopa huan temamatlatl canahpa hueyic calacohuahyan itech ixteocalco ica espadaña, ahcopa ce terraza ixpan in hueyi iixteocal.

Macehualiztli

Altepetl Atocpan ce altepetl ican mochi tlacuicuiliztli ipan Centlalticpac quihto Tlatquicayotl ipan Tlachiuhcayotl ipan Mexico; ixquich tlamatocac tequichihualiztli in ompa Mexico huitztlampa, yoliztli ipan ahmo tlamatocac tlachihualiztli noyuhqui tlacualiztli, macehualiztli, camanalli itlahcuilol. Nican Huexotlah icihuahuan tlachihuah cuacualtzin acomitl, motenehua ipan Cuextecapan nahuatlahtolcopa chachapali.

Tlatzohtzonaliztli

Huehuehcauh cuicayotl ipan iteopanhuan catca in musica sacra, teocuicatl huan itlatzohtzonaliz teocalli ica teopixqueh huan cihuateopixqueh. Nican hueyi tlatzohtzonaliztli in cuauhpanco, caxtillahtolcopa huapango, ce Cuextecapan cuicatl ica mecahuehuetl, noyuhqui cah banda de viento (tlatzohtzonalcalpolli).

Momotlaliztli

In momotlaiztli ipan Pachyohcan cah ipampa neicxitapayolhuiliztli, chiquiuhpatoliztli, omemalacaztli, mapatoltiliztli huan patolli.

Calpolli	Momotlaliztli	Mahuiltiliztli	Momotlayocan
Tuzos del Pachuca	Neicxitapayolhuiliztli	Liga de Ascenso de México	Estadio Hidalgo
Garzas de Plata	Baloncesto	Liga Nacional de Baloncesto Profesional de México	Gimnasio Universitario
Plateros de Pachuca	Béisbol	Liga Estatal de Béisbol	Estadio Corona del Rosal

Neteicniuhtiliztli

Pachyohcan altepetl ca icniuhcayotl ica ininqueh altepemeh.

Altepetl	Xeliuhcayotl	Tlacatiyan	Xihuitl
Little Rock	Arkansas	Tlahtohcayotl in Cepanca	1998
Ponferrada	Caxtilah huan León	España	2010
Camborne	Inglaterra	Hueyitlahtohcayotl in Cepanca	2013

No xiquitta

• Pachyohcan altepetlahtohcan

Occe necuazaloliztli

Huiquimedia Commons quipia occequin tlahcuilolli

Pachyohcan itechcopa.

• Matlatzalan H. Ayuntamiento de Pachuca de Soto
• Matlatzalan Gobierno del estado de Hidalgo