Kolotl
Ni se koatitlantlapiyali itstok ipan mila. Kema tona pankisa pampa motlatia tlasolijtik tlen xiuitl uajtok uan kema kimelauas tikolinis tlasoli uan paya itstok ueli mitschajkos uan nelia tenkokok. Nokia kema uesti atl monechkauia o kalaki ipan se kali, uan tla inka kimiktisej ueli techajkos.
Itstokej ome tlamantli kolomej: seki yayauikej nopa tla mitschajkos san tijmatis kuajkualo; uan itstokej chichiltikej ya nopa tla mitschajkos mitstlapololtis, pampa ya nopa mas tenkokokej.