Interlingua

Interlingua ce cemantlan tlapalehuilli tlahtolli tlein motzintia itech in tlahtolmeh tlein mochiuhticateh in Europan huan itech ce tlahtolmelahcan tlein ahmo ohuih, omopehuilti ipan xihuitl 1951 itech in International Auxiliary Language Association (IALA).

Interlingua inin ce tequitl tlein oquichiuhqueh 27 xihuitl ce ololli tlapalehuianimeh tlahtolmatinimeh. Inin ololli otequitqueh ipan IALA (International Auxiliary Language Association), tlein omopehuilti ipan xihuitl 1924. In tequitl ic mochihuaz Interlingua omopeuh ipan Europa, ipan Liverpool huan —pampa in inic ome cemanahuatl yaoyotl oquichiuh tlein in tequitl ma moxitlahui ipan xihuitl 1939 canapa in Tlacatlahtohcayotl in tlein tlatectli in mictlampa America— otlan ipan New York ipan xihuitl 1951, in tlahtolmatinimeh oquiquixtihqueh in cemantlan tlahtolmeh itech in Europan tlahtolli. Ipan xihuitl 1967, ISO (International Organization for Standardization), tlein quimelahua in tlahtolmeh, oquicuiqueh Interlingua ic mochihuaz in itzintiliz in tlahtolamoxtli. Interlingua monequi mochihuaz ce cemantlan tlahtolli ic quipalehuiz in tlacayotl, tel ahmo zanyen ce tlahtolli.

Interlingua motzintia itech in ingles, frances, caxtillantlahtolli, portugues huan italiano, huan noihuan aleman huan ruso. Inin tlahtolli quinehnehuilia ce romanic tlahtolli ica ce tlahtolmelahcan tlein ahmo ohuih huan huel melahuac. Quinequi quicuiz in tlahtolmeh tlein huel moximachih ipan in occequin tlahtolmeh. Ica inin, huel ahmo ohuih ic momachtiz tla ce tlacatl quihtoa ce itech inin tlahtolmeh.

Noihuan Latino sine Flexione itech Giuseppe Peano otenehualloc Interlingua (nozo Interlingua itech Peano), tel inin tocaitl ayocmo motequiltia quemman omopehuilti Interlingua (itech IALA). In tocaitl 'Interlingua' omochiuh ica in itlanahuatil in Academia de Interlingua, in itlahtolmatiliz in tlapalehuilli tlahtolli itech Giuseppe Peano. Interlingua noihuan huel quihtoznequi cemantlan tlapalehuilli tlahtolli. Xiquitta noihuan interlinguistica.