Huexotlah

NHE

NCH

NHN

NCI

Huexotlah Huejutla de Reyes
Altepetl
Ichimal Huexotlah
Tlacatiyan -Tlahtocayotl -Onohuayan -Altepetlahtohcan	Nemachiyōtīlli:MEX/nhn Nemachiyōtīlli:MX-HGO Hidalgo Cuextecapan Huexotlah altepetlahtohcan
Tlaixpayotl - Campa	6.2 km2 km2
Ancayotl	21°08′24″N 98°25′10″O
Huehcapancayotl	(137 msnm)
Chanehqueh - Campa - Pozahuacayotl - Campa	44,311 chan. chan/km²
Tlahtolli	Caxtilahtlahtolli huan nahuatlahtolli
IDN - Campa
PIB - PIB Per Capita	$ MDD $ USD
Altepetzintiliztli	1544
Altepetequihuah	Daniel Andrade Zurutuza
UTC	UTC-6
Tlacatocayotl	Huexotecatl
CP	43000
Nenecuilhuaztli  - USPS  - ISO 3166-2
Nenecuilhuaztli	130280001
Matlatzalantli	[http:// ]

Huexotlah (nozo motenehua caxtillantlahtolli: Huejutla de Reyes), ce altepetl itechpahuic Huexotlah altepetlahtohcan, in ompa Tlahtohcayotl Hidalgo ipan Mexihco tlalli. Ce altepepan iyolo Hidalgo Cuextecapan, quipia 44,311 chanehqueh. Ce tenyoh altepetl ompa mochi Cuextecapan onohuayan. Nican in chanehqueh tlahtoah caxtilahtlahtolli huan nahuatlahtolli, ce macehualcamanaliztli moihtoa Cuextecapan nahuatlahtoltica.

Huexotlah altepetl ica cualli tlacualiztli huan occe mitohtli mochi xihuitl. In miccailhuitl hueyi tonalilhuitl ipan tonalamatl ompa octubre metztli huan noviembre metztli, quihtoznequi Xantoloh.

Tlaltocayotl

Huexotlah ichimal.

Zan niman ipampa inon altepetl ompa Hidalgo Cuextecapan, motoca «Huexotlah» ompa inauatlahtol Cuextecapan tlatilantli, ihtoca caxtillantlahtolcopa Huejutla de Reyes. Huehuecauhtica ipan nahuatlahtolli Huexotlah quiza ipan: nahuatlahtocopa huexotl, ce cuahuitl ahcopa ayotatlan, nican inelhuayo pehua ica huexo- huan in tlahtolli tlah tlen ipehualiz -tlah huala itzatlan neh tlalli.

Occe macehualtlahtolli Huexotlah ihcuiloa ipampa Tlahco Cuextecapan nahuatlahtolli, motoca Uexotlaj nozo Uexotaj huan icalaquiyan Cuextecapan nahuatlahtolli ompa Veracruz Cuextecapan, motoca Wexotlah. Altepetlahtohcan cah omachiyotilo ica ce huexotl ica nahui macuahuitl huan ce chichiltic nelhuayotl.

Huehcapatlahtoliztli

Huexotlah altepetl tlanelhuayotilo ipampa cuextecah, anca in nahuatlacameh quihtoznequi inin altepemaitl Ixtlahuexotlah xiuhpan 619 a.C. Toltecah oahcicoh canahpa altepemaitl, yehuantin ochanti itechnahuac 24 xihuitl.

Ipan xohuitl 1407, inon altepetl catca aliada ica Teucyotl Metztitlan huan xiuhpan 1486, Huexohtlah ocatca conquistada ipampa Ahuizotl, tlalli pertenecía canah in Hueyaltepetl Cuextecapan.

Xiuhpan 1544, teuctli Juan Eustaquio otlaquetz in teocallli itech teocalco tepacholiztli San Agustín ipampa teopixqueh.

Tlalticpacmatiliztli

Huexotlah altepetl.

Tahuizan atoyatl ipan Huexotlah.

Inin altepetl cah ancayotl cuaxochtia in altepetl mictlampa ica El Pintor ompa Veracruz tlahtohcayotl, in huitztlampa ica Chicmecatitlan, in tonalquizayampa ica Chalahuiyapan, ihuan in tonalcalaquiyampa ica Chililico huan Coaocuilco.

Tepetiliztli

In Huexotlah altepetl ca itzalan Sierra Madre Oriental (Hueyi Nantepehuahcan Iquizayampa) huan ipan teotlalli canahpa Tantoyuca, in Tepexititla ce xoxohuic tepetl ompa in tonalcalaquitlampa.

Atiliztli

In Tahuizan atoyatl xiquipano inin altepetl, ipan xolalpan quipia tepitzin tlatelolli huan tepetzintli canahpa mictlampa quipia xoxohuic ixtlahuahcan. yeyantli tonalquiyahuitl ica miac quiyahuitl ipampa mochi xihuitl.

Yeyantli

Metzpohualli	Ø t° (°C)	Min. t° (°C)	Max. t° (°C)	 (mm)
Metztli enero	17.3	13.9	22	64
Metztli febrero	19	15.3	24.1	58
Metztli marzo	21.3	17.3	26.6	68
Metztli abril	24.1	19.9	29.6	80
Metztli mayo	25.9	22.1	30.6	93
Metztli junio	25.9	22.6	30.1	146
Metztli julio	25.4	22.6	29.2	145
Metztli agosto	25.9	22.5	30	140
Metztli septiembre	24.7	21.9	28.4	227
Metztli octubre	22.9	29.9	26.7	183
Metztli noviembre	20	16.8	24.1	92
Metztli diciembre	18.1	14.8	22.7	57

Yoliztli

Huexotlah iyoliz nepapan, ca occequin cuahuitl huan cuauhtonton, quipiya huexotl, ixizhuatl, teocuahuitl, tzapotl, amolli, lalaxcuahuitl, xalxococuahuitl, capolcuahuitl, ahuacacuahuitl, matzahtli huan cuauhxilotl.

No xiquitta Huexotlah altepetl quipia chichinimeh yolcameh in pezohtli, epatl, tlacuachin, tlahcomiztli, ayotochtli, aztatl, tochtli, tzopilotl, huitzilin, tohtli, tepocolcoatl huan cincoatl.

Tequitiliztli

Huexotlah xolalpan quipiya tepitzin tlanamacaliztli.

Huexotlah ce altepetl ipan Hidalgo ica itequiyo itech tlanamacaliz ica Veracruz. Huexotlah tequitiliz ca ipan tiyanquiztiloyan huan tiyanquiztli campa chaneh tequipanoa itlalpixcayo, tlanamaca xochimeh, tlacualiztli, xochicualli, cuauhtontli, tequichihualiztli, tlamantli, yolcameh nozo tepoztlamantli.

Nican ce hueyi altepetl, quipiya miac tlanamacatiliztli, xoalapan chaneh tlanamaca ipan cuauhmalacatl, tzopelli, tlacualiztli huan ahahuilli, ipan ohcalli quipiya nacanamacoyan, pahcalli, tlacualchihualoyan, amanamacoyan, cacnamacoyan, ocnamacoyan, tlaxcalnamacoyan, xochinamacoyan, tlapalnamacoyan, noyuhqui nohuan nican hueyi tlanamacoyan mah noyuhqui Elektra, Coppel, Soriana, Chedraui, Oxxo, Pemex, ohcequin.

In nehnemiliztli nican, inic ome tomincayo ipampa tequitiliztli ipan Huexotlah, in miccailhuitl hueyi tonalilhuitl ipan tonalamatl ompa Inic Mahtlactli metztli huan Mahtlactli huan ce metztli, quihtoznequi Xantoloh.

Tlanonotzaliztli huan huaznenqui

Tlalmachiyotl altepeticpac.

In altepetl quipia ica atl, tlahuilli, apantli, ohcoyonqui, ohcalli pavimentado. Quipia ohcequin servicios itech, telefornía, televisión satelital huan matlatzalan.

Huexotlah altepetl quipia ce hueyiohtli Pachyohcan-Tampico tlanepanoa ica ohce altepetl mah iuhqui Tantoyuca, Tamazunchale, Chicontepec, Tzacualtipan huan hueyi altepemeh mahtel Pachyohcan, Altepetl Mexico, Monterrey, Atemaxac, Matamoros, Tampico. Altepetl Valles huan Tochpan; ohcequin ohmitl ADO ipan calmimilolli, nican quipia altepeticpac huaznenqui quemeh taxis huan combis.

Chanehmatiliztli

Huexotlah altepetl quipia 44,311 chanehqueh (Censo INEGI 2020 xihuitl).

Xihuitl	Chanehqueh
1900	2 600
1910	2 843
1921	2 981
1930	3 163
1940	3 322
1950	3 676
1960	3 849
1970	6 854
1980	12 336
1990	24 742
2000	34 141
2010	40 015
2020	44 311

Tlahtolli

Huexotlah altepechaneh tlahtoah nahuatlahtolli.

Ipan Huexotlah altepetl chanehqueh tlahtoah caxtillahtolli tel, motlahtoa iuh de facto achcauhtlahtoltica auh 72% ipan altepehuahqueh quitlahtoah. Macehualtlacameh tel quitlahtoa nahuatlahtolli, ce chanehtlahtolcopa quitoznehqui Hidalgo Cuextecapan nahuatlahtolli itech Hidalgo tlahtocayotl. Nican inin tlalli, noyuhqui macehualtlacameh tlahtoah occequin macehualtlahtolli ihto ipampa Comisión Nacional para el Desarrollo de los Pueblos Indígenas; cuextecatlahtolli huan otontlahtolli.

Neltococayotl

Cuix yectel xihuitl, in achtocaxtiltoc tlacatl neltoquiztia ipan icel teotl tlachihuani cemanahuatl motenehua huehuecauh teoyotl, itech ohcequin itocahuan teteoh ipampa Mexicayotl.

Mexicayotl teoneltococayotl poliuhqui cenca iciuhcac catca īpampa catolicismo romano. Ihcuac caxtiltecah ompehua man cristiania canah macehualtzintin zan motlamati catolico neltococayotl quemeh cristianoyotl, matel in teopixqueh tlamatizquiazqueh tlen oyeyah occequin cristianomeh itoca pentecostales, evangélicos, prebiterianos huan Testigos de Jehová.

Tlamachtiliztli

Universidad Tecnológica de la Huasteca.

Huexotlah altepetl quipia ipan ahcopa tlamachtiloyan, canahpa hueyi tepochcalli tlen itocah Universidad Tecnológica de la Huasteca Hidalguense, Instituto de Ciencias y Estudios Superiores de Huejutla, Instituto Tecnológico de Huejutla, Universidad Pedagógica Nacional Sede Regional Huejutla, Universidad Politécnica de Huejutla huan Escuela Superior Huejutla, ce pani tlamachtiloyan itech UAEH.

In altepetl nican quipia ipan temachtiliztli coconeh xochitlah, inic ce tlamachtiliyan, inic ome tlamachtiloyan, bachillerato, tepochcaltlamachtiloyan huan Hueyi tepochcalli, noyuhqui in Escuela Secundaria Técnica, noyuhqui quipiya in conemeh; pipilton huan cihuapiltin temachtiah ica becas (tequiyotl), huan chicuace tlamachtiloyan huan temachtianimeh quipia “programa” ica itemachtiliz ipan ome tlahtolli, nahuatlahtolcopa huan caxtillahtolli.

Tequinemiliztli

Hueyi tecalli Huexotlah.

Chililico iacomi.

Altepetl Huexotlah ce altepetl ica mochi calmanaliztli ipan Hidalgo tlahtocayotl ompa Cuextecapan; ixquich tlamatocac tequichihualiztli, yoliztli ipan ahmo tlamatocac tequitl iyuhqui tlacualiztli, macehualmihtotiztli.

Calmanaliztli

Hueyiteocalli Huexotlah

Ce tequiyotl itech calmanaliztli ipan Huexotlah ca Hueyiteocalli San Agustín ipan xolalpancopa. In teocalli ca ipan altepetlalli ipampa temamatlatl ahcopa, ipan ocachi cuauhtic in teoyotica itepacholiz teocalco; itepanhuan tetelli itech mictlampa canahpa huitztlampa ompa ohcalli ipan hueyic aitualli. Nican quipiya ohtli ahcopa huan temamatlatl canahpa hueyic calacohuahyan itech ixteocalco ica espadaña, ahcopa ce terraza ixpan in hueyi iixteocal.

Macehualiztli

Altepetl Huexotlah ce altepetl ican mochi tlacuicuiliztli ipan Centlalticpac quihto Tlatquicayotl ipan Tlachiuhcayotl ipan Mexico; ixquich tlamatocac tequichihualiztli in ompa Mexico huitztlampa, yoliztli ipan ahmo tlamatocac tlachihualiztli noyuhqui tlacualiztli, macehualiztli, camanalli itlahcuilol. Nican Huexotlah icihuahuan tlachihuah cuacualtzin acomitl, motenehua ipan Cuextecapan nahuatlahtolcopa chachapali.

Tlatzohtzonaliztli

Huehuehcauh cuicayotl ipan iteopanhuan catca in musica sacra, teocuicatl huan itlatzohtzonaliz teocalli ica teopixqueh huan cihuateopixqueh. Nican hueyi tlatzohtzonaliztli in cuauhpanco, caxtillahtolcopa huapango, ce Cuextecapan cuicatl ica mecahuehuetl, noyuhqui cah banda de viento (tlatzohtzonalcalpolli).

Momotlaliztli

In momotlaliztli ipan Huexotlah ca ipampa neicxitapayolhuiliztli, chiquiuhtapayolhuiliztli, omalacapainaliztli, acalpainaliztli, tlamaneloliztli, mapatoltiliztli, ohcequin.

No xiquitta

• Hidalgo
• Cuextecapan

Occe necuazaloliztli

Huiquimedia Commons quipia occequin tlahcuilolli

Huexotlah itechcopa.

Nemachiyōtīlli:Hidalgo Cuextecapan