Chicomecohuatl
Chicomecohuatl nozo Chicomecoatl yehhuatl ipan mixehuaya, quimixiptlatiaya in tonacayotl. Ihuan in zazo tlein inenca, iyolca macehualli, in ihua in cualo. Ihuan mihtoa va in yehhuatl Chicomecohuatl ca quichihua in ixquich tonacayotl: in iztac tlaolli, in coztic tlaolli, in xiuhtoctli, yahuitl, yauhnenel, tlaolpatlachtli, tlaolpicilli, tlaolpitzahuac, in xochicintli inin iuhquin ezhuahuanqui, niman cuappachcintli, momochcintli, in molquitl, cinmaitl ihuan in xilotl, in cacamatl in elotl. Niman mochi etl, huauhtli, chian; in ixquich in, iuh quihtoa ca moch yehhuatl quitemaca, in ihcuac iilhuiuh quitlacatilia, mochi ixpan quimanayah, quicuicatiah in huehuetqueh, calpolehqueh quitlacotoniliah.
Auh ihui in nechihchihualeh catca, mochi tlauhyo, centlauhyo: ixtlauhxahualeh, amacaleh, axochiacueleh, no pozolcacqueh, tonalchimaleh, tonatiuh chimaleh.
Chicomecohuatl icuic
Ihuan ihcuac quixtiliaya iilhuiuh ipan Hueyi Tozoztli in macehualtin cuicayah:
Chicomolotzin xa ya mehua
Ximihzotia, ¡a! ca Tonan
Titechicnocahuazqui
Ti ya huia mochan Tlalocan. ¡Owiya!
Chicomolotzin xa ya mehua
Ximihzotia ¡a! ca Tonan
Titechicnocahuazqui
Ti ya huia mochan Tlalocan. ¡Owiya!
Amoxtin
- Sahagún, Fray Bernardino de. (2006). Historia General de las cosas de la Nueva España. "Colección sepan cuantos...". Editorial Porrúa. México, D.F., México 1985. ISBN 970-07-6492-3