Chapictlan

Īhuīcpa Huiquipedia, in yōllōxoxouhqui cēntlamatilizāmoxtli
Ir a la navegación Ir a la búsqueda
Chapictlan
Chapixtla
Altepetl ipan Mexihco
Tlacatiyan Flag of Mexico.svg Mexihco
Tlahtohcayotl Mexico stateflags Veracruz.png Veracruz
Onohuayan Tlani Huaxtlan
Altepecalpolli Chicontepec
Ixtentli 5.2 km2
Tlalticpac tliltetl 99° 40′ 58″ M, 120° 21′ 22″ I
Chanehqueh 380 (2005)
Tlacatocaitl Chapictecatl
UTC UTC-6
Huehcapancayotl 300 m

Chapictlan (caxtillantlahtolli: Chapixtla), inin altepetl tlatilantoc ompa altepecalpolli Chicontepec, Veracruz. Cequinoc altepemeh itech inintocah, Tepoxteco, El Sitio huan La Barra ihuan Camaitlan. Quipiya 410 chanehqueh. Nochi macehualmeh nahuatlahtoanih.

Chapictlan: Lugar de Chapix o Lugar de vejucos.

Cemanahuatiliztli[Ticpatlaz | Ticpatlaz itzintiliz]

Ipan ni altepetl, tlatilantoc Chicontepec, Veracruz. Tlahuel tlatotonia huan amo tlahuel tlaceceya. Cequin xihuimeh huan tecuanimeh. Miac macehualmeh tequitih millah. Nouhquiya cequin tlacameh huan cihuameh tequitih pan huacaxmeh, chilli, tomatl, cacahuatl, cintli huan cequinoc tlamantli.

Huehcapatlahtolyotl[Ticpatlaz | Ticpatlaz itzintiliz]

Ipan inin tonalli amo momati quemman peuhqueh ehuanih tlen Chapictla. Cequin quiihtoah itztoya ce hueyi tequititl casique itocayaya Ramón Riverol ipan ce altepetl itech Chapictla. Naman itztoqueh miyaquin macehualmeh ihuan nochi nahuatih, zan cequin conemeh ayohcanah nahuatih ipampa pinahuah. Miyaquin telpocameh yahqueh mochantitoh México, Tampico, Guadalara, Matamoros. Zan cequin macehualmeh tlen Chapictlan yahqueh Huayalehco tlen tlatilantoc Pánuco. Necan quitemotoh nemiliztli.

Tepacholiztli[Ticpatlaz | Ticpatlaz itzintiliz]

Nican ipan inin altepetl monechicah miyac macehualmeh. Inintlanahuaticca motocayotia "agente municipal". Inin hueyi tlanahuatihquetl Agente Municipal quitlaiah macehualmeh ihuan Chicontepec tequitinih zan quitlepanittah tlen quiitohqueh macehualmeh. No oncah cequin tequihuah tlen inin altpetl, cequin quimocuitlahuiah Agente Municipal, Comité Escolar, Comité de Electricidad, Comité del Agua, ihuan cequinon tequitinih.

Chanehmatiliztli[Ticpatlaz | Ticpatlaz itzintiliz]

Ipan ni talli tlahuel yehyectzin. Achi tlamayanco ipan ni canahya. Oncah cequin canahay tlen achi tlapano ihuan cequin achi tlamayayayo.


Teoyotl[Ticpatlaz | Ticpatlaz itzintiliz]

Ipan inin altepetl oncah ome tlaneltoquiliztli. Miac macehualmeh tlahuel quittepanitan Chicomexochitl. Inin hueyi ilhuitl quemantzin quichihuah ome hueltah ipan xihuitl, ipehuaya huan itlahtotiyan xihuitl. Huan nouhquiya cequin macehualmeh quineltocan tlen totiotzin Jesus.

Chicahualiztli[Ticpatlaz | Ticpatlaz itzintiliz]

Ipan inin altepetl zan oncah ce "Centro de Salud". Nouhquiya huahcauhquiya oncayaya cequin cihuameh tepahtianih quen: Tetlalananih "Parteras" ihuan cequin tlacameh tlen tepahtiah "curanderos".

Tlamachtiliztli[Ticpatlaz | Ticpatlaz itzintiliz]

Ipan inin altepetl, oncah Caltlamachtiloyan Escuela Primaria, Telesecundaria. Miyac macemalmeh momachtianih tlen quinequih momachtizceh yohuih ipan altepetl Tepoxteco, Tecomate ipan Telebachillerato, ihuan cequin yohuih cequinoc altepetl. Miyaquin telpocameh ihuan ichpocameh quizqueh ihuan naman momachtiah cequinoc altepetl: México, Guadalajara, Zacatecas, ihuan cequinoc canahaya.

Tequichihualiztli[Ticpatlaz | Ticpatlaz itzintiliz]

Cequin macehualmeh tlen Chaapictla quichihuah cequin comalli, chachapalli ihuan cequinoc tlamantli.

Cuicatlamatiliztli[Ticpatlaz | Ticpatlaz itzintiliz]

Naman itztoqueh cequin tlapitzanih tlen naman inintocah: Banda Cáliz. Quipiyah cequin tonalli itzotoyah cequin tlatzotzonanih tlen inintocah: Proyección 85, ihuan Sacrificio, zan naman ayohcanah tlatzotzonah. Inin ome tlen teipan tlatzotzonayayah "música tropical".

Calmanaliztli[Ticpatlaz | Ticpatlaz itzintiliz]

Cequin calli nocca quichihuah ica zacatl ihuan cequin quichihuah ica zoquitl. Nouhquiya naman tlahuel oncah calli ica material cemento, grava, barilla, ihuan cequinoc tlamantli.

Momotlaliztli[Ticpatlaz | Ticpatlaz itzintiliz]

Oncah cequin telpocameh tlen quichihuah cquin mahuiltiliztli. Mahuiltiah ica olli (futbol) ihuan cequinoc olli (basquetbol. Itech tlamachtiliztlica eltoc ce canahya campa mahuiltiah telpocameh, ichpocameh ihuan conemeh.

Tenyohtlacameh[Ticpatlaz | Ticpatlaz itzintiliz]

Toquiliztequitl[Ticpatlaz | Ticpatlaz itzintiliz]